Matthew Niemetz në Athinë
AMNA/- Negociatori i OKB-së për çështjen e emrit të FYROM, Matthew Nimetz gjendet në Athinë, ku do të takohet të mërkurën me kryeministrin Lukas Papadimos dhe ministrin e jashtëm Stavros Dimas. Nimetz deklaroi se në vizitat e tij në Shkup e Athinë, nuk ka sjellë me vete ndonjë propozim të ri për çështjen e emrit.

Eurogrupi miraton paketën e dytë për Greqinë
AMNA/ - Ministrat e financave të eurozonës arritën pas 12 orësh negociatash, në marrëveshje për paketën e dytë të mbështetjes ndaj Greqisë. Sipas vendimit, paketa e re e shpëtimit të Greqisë arrin në 130 miliardë euro dhe parashikohet reduktimi i borxhit grek në masën 53,5% të vlerës nominative të bondeve greke.

Papadimos: Zbatimi i programit sjell zhvillimin më 2013
AMNA/ - Marrëveshja dhe vendimet e Eurogrupit janë "një hap i madh", me rëndësi vendimtare për tëa rdhmen e vendit, theksoi kryeministri Lukas Papadimos në mbledhjen e këshillit të ministrave dhe shtoi se "miratimi i programit ekonomik dhe marrëveshja për PSI ishte objektivi kryesor i politikës ekonomike dhe në këtë drejtim u bë shumë punë". Kryeministri shprehu optimizmin e tij se, "po të zbatohet me eficencë programi, në vitin 2013 do të kapërcehen problemet dhe do të fillojë gradualisht kursi i zhvillimit ekonomik". Papadimos nënvizoi se "te shumtë ishin ata që parashikonin bllokim dhe dështim, por për fat të mirë nuk u përligjën", ndërsa parashikoi se me vendimet që u morën do të rritet besimi ndaj vendit.

Papandreu shpreh kënaqësinë për vendimin e Eurogrupit
Kryetari i PASOK-ut, ka deklaruar se vendimi i Eurogrupit "përbën një tjetër premisë të nevojshme që mund të garantojë se sakrificat e grekëve, jo vetëm që nuk shkojnë dëm, por zënë vend".

Samaras: Vendimi, i rëndësishëm e pozitiv
"Vendimi i eurogrupit largon rrezikun e falimentimit të vendit dhe hap rrugën për zhvillimin e zgjedhjeve", komentoi kryetari i Demokracisë së Re, Antonis Samaras.